DeVuego GAL

"Lenzo en branco" é a historia de Nico, un pintor ao que lle abandonou a inspiración e pasa por un momento persoal complicado. Dotado dunha ferinte ironía e un carácter un tanto particular, decátase de que un gran mecenas da arte chegou á súa cidade. A súa misión será atopar ao devandito mecenas e convencelo de que se faga cargo da súa carreira artística. Isto non lle resultará nada fácil a Nico, incapaz de pintar un cadro desde hai meses. Por se isto fose pouco, Midas (que así se fai chamar o mecenas) é escorredizo e discreto como poucos. Nico terá catro días para alcanzar o seu obxectivo.