DeVuego GAL

O título destaca entre outros indie horror pola ambientación de oficina e polo coidado do deseño. Parece estar construído como unha crítica social, pero aseméllase máis unha parodia de todos os aspectos dunha vida laboral: ambiente opresivo, charlas motivacionais a cargo dun xeneral, expertos en márketing famentos de slóganes e o estar atrapado no teu traballo xa sexa polo diñeiro ou pola falta de vontade para largarte de aí. A pesar de todo isto, confúndense o terror e o humor dunha maneira desenfadada que che deixa na boca un sabor a café e sangue.